至尊性感-----Last In Love

繼上回介紹完包肉款,可能會有人覺得條帶咁粗唔夠靚,著背心又冇咁方便,始終要收肉係要有多d恆心同毅力!! 不過我地舖頭出名包羅萬有,今次就介紹集中款,比想搵靚款既姊妹。

首先分析下 last in love既名字由來,last in love意思係至死不渝既愛,

即係愛到死心塌地,只愛一個人,唔會改變。Awww好浪漫喔!!!店主當時就係覺得呢個bra好性感,好浪漫,所以就為佢改個咁戲劇性既名喇~

不過小編就覺得 呢個bra咁靚咁舒服,試左實番唔到轉頭,直頭要攬住個bra過世喔!!!

話明性感,點可以冇lace? lace既design簡直係女人既恩物,唔識煮野食唔緊要,買番個靚靚lace bra,捉唔到男人個胃,喜碼捉得住男人個心喔嘛!!

呢款 last in love 係幼帶黎,可以轉成交叉帶做美背。輕擺既蕾絲顯瘦之餘,盡顯女人味。上薄下厚既設計,可以扥到對波圓一圓,好好J!!!!加埋lace半透既褲仔,夠哂sexy,可謂誘惑男友必備之選。

Recent Posts